Aziz Nabeel
vo dukh nasib hue ḳhud-kafil hone men
ki umr kaT ga.i ḳhud ki dalil hone men
musafiron ke qadam Dagmaga.e jaate the
ajab nasha tha safar ke tavil hone men
vo ek sang jo raste men istada tha
use zamane lage sang-e-mil hone men
munafiqin se ḳhatra kabhi ghanim ka ḳhauf
qayamaten hain bahut be-fasil hone men
aziiz hone men asaniyan bahut si thiin
bahut se dard mile hain ‘nabil’ hone men
Leave a Reply