vo din bhi the ki in ankhon men itni hairat thi
tamam bazigaron ko miri zarurat thi
vo baat soch ke main jis ko muddaton jiita
bichhaḌte vaqt batane ki kya zarurat thi
pata nahin ye tamanna-e-qurb kab jaagi
mujhe to sirf use sochne ki aadat thi
ḳhamoshiyon ne pareshan kiya to hoga magar
pukarne ki yahi sirf ek surat thi
ga.e bhi jaan se aur koi mutma.in na hua
ki phir difa.a na karne ki ham pe tohmat thi
kahin pe chuuk rahe hain ye a.ine shayad
nahin to aks men ab tak miri shabahat thi
Leave a Reply