Asad Rizvi
vo dilkashi vo tasavvur kisi nazar men nahin
tumhare jaisi koi shai hamare ghar men nahin
ye zindagi bhi ajab chiiz hai ḳhuda ki panah
ise sambhal ke rakhna mire hunar men nahin
ye kis ki aah ki phunkar hai ki ab ke baras
tumhare honTon ki koi dua asar men nahin
main ek umr se huun shamil-e-safar logo
magar ye kya ki mire paanv rahguzar men nahin
tamam kutub-o-rasa.il varaq varaq dekhe
bahut dinon se ‘asad’ tum kisi ḳhabar men nahin
Leave a Reply