vo dil nasib hua jis ko daagh bhi na mila
mila vo gham-kada jis men charagh bhi na mila
ga.i thi kah ke main laati huun zulf-e-yar ki bu
phiri to bad-e-saba ka dimagh bhi na mila
charagh le ke irada tha yaar ko DhunDen
shab-e-firaq thi koi charagh bhi na mila
ḳhabar ko yaar ki bheja tha gum hue aaise
havas-e-rafta ka ab tak suragh bhi na mila
‘jalal’ bagh-e-jahan men vo andalib hain ham
chaman ko phuul mile ham ko daagh bhi na mila
Leave a Reply