Nami Nadri
vo bhala hai to vo bhala hi sahi
main bura huun to main bura hi sahi
sajid-e-sahab-e-baqa huun main
ḳhak-e-pa huun to ḳhak-e-pa hi sahi
valihana hai un se pyaar mujhe
bavla huun to bavla hi sahi
na-ummidi men hai ummid hamen
un ka har va.ada khokhla hi sahi
dilkashi ka javab koi nahin
zindagi chahe bulbula hi sahi
apni sohbat pe koi farq nahin
vo baḌa hai to vo baḌa hi sahi
parsa.i ham us ki maan ga.e
koi ab duudh ka dhula hi sahi
vo bhi auron se mangta hai vafa
chahe ‘nami’ vo bevafa hi sahi
Leave a Reply