Poet
vo bazm-e-ghair men ba-sad-vaqar baiThe hain
ham un ke ghar hama-tan intizar baiThe hain
shabih-e-zulf-e-pareshan jo ham banane lage
ruke hain uljhe hain bigḌe hain yaar baiThe hain
jise ḳhayal kiya ishq se nahin ḳhali
tamam talib-e-didar-e-yar baiThe hain
ham us ki bazm men hain sang-e-farsh ke manind
ye jabr baiThe hain be-iḳhtiyar baiThe hain
vo rashk-e-mehr hai ai ‘mehr’ charḳh-e-charum par
ham iztirab men kyuun zarra-dar baiThe hain
Leave a Reply