aftab-iqbal-shamim

Wo Apne Juzw Mein Khoya Gaya Hai Is Had Tak

vo apne juzv men khoya gaya hai is had tak

ki us ki fahm se bahar hai kal ki abjad tak

khadi hain raushaniyan dast-basta sadiyon se

hira ke ghaar se le kar gaya ke bargad tak

uthe to us ke fusun se lahak lahak jaae

nazar pahunch na sake us ki qamat-o-qad tak

pata chala ki hararat nahin rahi dil men

guzar ke aag se aae the apne maqsad tak

vahi asaas bana umr ke hisabon ki

pahada yaad kiya tha jo ek se sad tak

vahi jo dosh par apne utha saka khud ko

nasheb-e-farsh se pahuncha faraz-e-masnad tak

More Poems

Leave a Comment