Shuja Khaavar
vijdan men vo aaya ilham hua mujh ko
main bhuul gaya us ko vo bhuul gaya mujh ko
ab Duub hi jaane de itna na gira mujh ko
sharminda na kar Daale tinke ki ana mujh ko
main gum-shuda logon ki fehrist men dab jaata
vo to mire dushman ne pahchan liya mujh ko
is ahd men kya rakkha tha jis pe basar hoti
kya hota jo virse men milta na ḳhuda mujh ko
itni baḌi duniya men kab se main akela huun
ai rabb-e-karim apne bandon se mila mujh ko
Leave a Reply