vara-e-lutf koi ibtila nikalna tha
ye silsila bhi bahut duur ja nikalna tha
abhi qubul na thiin ye inayaten ham ko
abhi dilon se gham-e-mudda.a nikalna tha
siva.e ḳhastagi kuchh pesh-e-kasa-e-zar-ḳhvah
hamare kisa-e-ḳhali se kya nikalna tha
safar to ek sitara-ghamin tha varna hamen
kisi savad-e-masarrat men ja nikalna tha
ajiib manzil-e-bechargi thi manzil-e-jan
yahin se jada-e-bim-o-raja nikalna tha
jabin pe naqsh-e-ḳhuda.i ubharte jaate the
dilon se yuun to na ḳhauf-e-ḳhuda nikalna tha
Leave a Reply