vaqt ki ret pe suraj ne lahu thuka phir
saaten koda ke daghon men naha kar niklin
machhliyan lams ke hathon men ghadi bhar na rukin
haddiyan khvab ke kutton ne chabain shab bhar
hijraten apne muqaddar men lahu-chehra hain
kaun khamyaza bhugatne ki salakhen chate
kaun zanjir ke halqon men samundar bandhe
kaun lafzon ke mazaron pe nae phuul rakhe
kaun sayon ko talashe yahan qindil liye
abrha kaaba ki divar ke saae men jale
kanch ki chudiyan bajti hain lahu ki tah men
Leave a Reply