vaqt ki aankh se kuchh khvab nae mangta hai
dil mira ek dua raat gae mangta hai
ek avaz tah-e-ab bulati hai mujhe
ishq mujh se bhi vahi kachche ghade mangta hai
dard kahta hai kisi saat-e-tanha men rahun
ik makan gahre samundar se pare mangta hai
zabt chahe use rukhsat ki ijazat mil jaae
ashk ankhon se mohabbat ke sile mangta hai
dasht dar dasht liye phirta hai mujh ko ye junun
imtihan ishq men kuchh aur kade mangta hai
Leave a Reply