Wahshat Mein Bhi Minnat-Kash-E-Sahra Nahin Hote

vahshat men bhi minnat-kash-e-sahra nahin hote

kuchh log bikhar kar bhi tamasha nahin hote

jaan dete hain jaan dene ka sauda nahin karte

sharminda-e-ejaz-e-masiha nahin hote

ham khaak the par jab use dekha to bahut roe

sunte the ki sahraon men dariya nahin hote

ik tar-e-gareban ka rahe dhyan ki sab log

mahfil men to hote hain shanasa nahin hote

Leave a Comment