Wahshat Ko Sana Chhupae Rakhna

vahshat ko ‘sana’ chhupa.e rakhna

dastar-o-qaba saja.e rakhna

divane hi tere jante hain

sahraon ko bhi basa.e rakhna

ankhon ke sitare ruup ka chand

ye saare diye jala.e rakhna

sanson ki mahak badan ki ḳhushbu

honTon ke kanval khila.e rakhna

palkon ki ye chhanv ruup ki dhuup

mathe ki sahar jaga.e rakhna

kuchh garm hava.en chal rahi hain

zulfon ki ghaTa chhupa.e rakhna

uljha huun abhi gham-e-jahan men

baton men use laga.e rakhna