vahshat ka rang barsar-e-paikar phir hua
ik aks aa.ine se numudar phir hua
darpesh ek chashma-e-zahrab tha magar
dil tishna-lab tha is liye mai-ḳhvar phir hua
phir hans paḌa nazar men gul-pairahan ka chaak
mausam junun ka ba.is-e-azar phir hua
suraj ne vo suluk kiya zindagi ke saath
insan tirgi ka parastar phir hua
mujh men simaT ke rah ga.iin duniya ki vus.aten
uḌne chala tha main ki giraftar phir hua
bas ek hi nigah men gum ho ga.e havas
‘najmi’ jo us hasin ka didar phir hua
Leave a Reply