Sufi

Wahin Se Had Mili Hai Ja Pahunchta Ku-e-Jaanan Tak

vahin se had mili hai ja pahunchta ku-e-janan tak

rasai saliko jab aql kar le hadd-e-imkan tak

junun men dast-e-laghar ka hai qabza us bayaban tak

jahan sau manzilen padti hain daman se gareban tak

mire dast-e-junun ka zor aur phir zor bhi kaisa

ki hamrah-e-gareban khinche laata hai rag-e-jan tak

tumhen to khel tha nazren mila kar munh chhupa lena

yahan nashtar hazaron ruk gae aa kar rag-e-jan tak

kafan men koi dekhe aaj un hathon ki majburi

raha karte the gardish men jo daman se gareban tak

More Poems

Leave a Comment