Wahi Zamin Wahi Dur Aasmanon Ke

vahī zamīn vahī duur āsmānoñ ke

dinoñ kī baat nahīñ khel haiñ zamānoñ ke

diyā-salā.ī kī tiilī bhī ab Darātī hai

nazāre yaad haiñ jalte hue makānoñ ke

hamāre paañv kī zanjīr bante jaate haiñ

saje-sajā.e hue silsile dukānoñ ke

zamīn baal barābar nahīñ hamāre naam

banāte rahte haiñ naqshe na.e makānoñ ke

udaas kar gayā vo ‘as.ad’-e-javānā-marg

ki is aziiz meñ kuchh taur the divānoñ ke

Leave a Comment