adnan-mohsin

Wahi Ki Jis Mein Ghurur-e-Shahi Milaya Gaya

vahi ki jis men ghurur-e-shahi milaya gaya

mira khamir usi khaak se uthaya gaya

ab us pe chand sitare bhi rashk karte hain

vo ik diya jo kabhi dasht men bujhaya gaya

ugegi fasl mazafat men baghavat ki

fasil-e-shahr se mujh ko agar giraya gaya

magar main zaat ke sahra men mahv-e-raqs raha

mujhe bhi koh-e-nida ki taraf bulaya gaya

mire liye tere kheton men bhuuk ugti hai

mire liye to ye gulshan nahin sajaya gaya

More Poems

Leave a Comment