Nawaz Deobandi
vahan kaise koi diya jale jahan duur tak ye hava na ho
unhen hal-e-dil na suna.iye jinhen dard-e-dil ka pata na ho
hon ajab tarah ki shikayaten hon ajab tarah ki inayaten
tujhe mujh se shikve hazar hon mujhe tujh se koi gila na ho
koi aisa sher bhi de ḳhuda jo tiri ata ho tiri ata
kabhi jaisa main ne kaha na ho kabhi jaisa main ne suna na ho
na diye ka hai na hava ka hai yahan jo bhi kuchh hai ḳhuda ka hai
yahan aisa koi diya nahin jo jala ho aur vo bujha na ho
main mariz-e-ishq huun charagar tu hai dard-e-ishq se be-ḳhabar
ye taḌap hi us ka ilaaj hai ye taḌap na ho to shifa na ho
Leave a Reply