Aks Samastipuri
visal aise bhi mahnga paḌega donon ko
bichhaḌne ke liye milna paḌega donon ko
phir aise tark-e-ta.alluq ka fa.eda kya hai
jab ek kamre men rahna paḌega donon ko
ab is kahani ko ik moḌ ki zarurat hai
ab is kahani men marna paḌega donon ko
ye jaan kar bhi ta.alluq baḌhana Thiik nahin
ki agle saal bichhaḌna paḌega donon ko
qadam qadam pe zamana milega rahon men
qadam qadam pe sambhalna paḌega donon ko
Leave a Reply