uThti ghaTa Hai Kis Tarah Bole Wo Zulf uTha Ki Yun

uThtī ghaTā hai kis tarah bole vo zulf uThā ki yuuñ

barq chamaktī kyūñki hai hañs ke ye phir kahā ki yuuñ

chorī se us ke paañv tak pahuñchī thī shab ko kis tarah

aa kahīñ haath mat bañdhā kah de ab ai hinā ki yuuñ

din ko falak pe kahkashāñ nikle hai kyūñki ġhair-e-shab

chīn-e-jabīñ dikhā mujhe us ne diyā batā ki yuuñ

jaise kahā ki āshiqāñ rahte haiñ kyūñki chāk-jeb

us ko gul-e-chaman dikhā kah ke chalī sabā ki yuuñ

ho ga.e bar-sar-e-ḳhalish le ke sināñ jo ḳhār-e-dasht

kar ne kalām tab lagā qais-e-barhana-pā ki yuuñ

pūchhe hai vo ki kis tarah shīsha-o-jām kā hai saath

kah de milā ke chashm se chashm ko sāqiyā ki yuuñ

karte safar haiñ kis tarah bahr-e-jahāñ se ai hubāb

ḳheme ko apne laad kar kar de ye uqda vā ki yuuñ

Leave a Comment