uTha ke dar se sar-e-rah biTha diya hai mujhe
mire saval se pagal bana diya hai mujhe
kuchh is tarah se kaha mujh se baiThne ke liye
ki jaise bazm se us ne uTha diya hai mujhe
na ḳhud hi chain se baiThe na mujh ko baiThne de
mire ḳhuda ne sitara bhi kya diya hai mujhe
miri sama.i na sahra men hai na ghar men hai
naya ye muzhda-e-vahshat suna diya hai mujhe
main apne hijr men tha mubtala azal se magar
tire visal ne mujh se mila diya hai mujhe
Leave a Reply