uTha jo dast-e-sitam qatl-e-be-nava ke liye
nigah-e-shauq ne bose har ik ada ke liye
mahak hai tere shabistan ki bu-e-zulf-e-saba
chali hai bad-e-saba ik shikasta-pa ke liye
suno ki dil ko mire e.atibar-e-zist nahin
ruka huun ek nafas arz-e-mudda.a ke liye
mire ḳhayal ne pahna libas-e-harf-o-nida
sarir-e-ḳhama hai raqsan miri nava ke liye
dayar-e-dil to hua vaqf-e-ahuvan-e-javan
ab aur koi bana.enge ghar ḳhuda ke liye
mire ḳhayal ko qaid-e-makan qubul nahin
hudud-e-bahr-o-bayaban nahin hava ke liye
rahi nazar men hamare urus-e-shauq-e-mudam
fana-e-zist rahe ziist ki baqa ke liye
kise bata.en ki ham ne pila ke ḳhun-e-jigar
chaman men phuul khila.e tiri qaba ke liye
ḳhayal-o-rang-o-nuqush-o-huruf-o-lauh-o-qalam
bichhe hain daam jamal-e-gurez-pa ke liye
Leave a Reply