uT-paTang Allam-Gallam Jaane Kya Kya Hai

ūT-paTāñg allam-gallam jaane kyā kyā hai

ab jis ke jo jī aatā hai bak detā hai

chhīnā-jhapTī noch-khasoT aur Dhīñgā-mastī

ishq hai ishq meñ ye sab to chaltā rahtā hai

kis ne aise paañv pasāre zehn-o-dil meñ

jaal ab lafzoñ kā kaafī chhoTā paḌtā hai

Dhake chhupe kā qaa.el na to maiñ na vo

ham ne ik-dūje par ḳhud ko khol diyā hai

nā chumkārā nā phuslāya nā daane Daale

baiThe-biThā.e bhī to Tāñkā bhiḌ saktā hai

Leave a Comment