Khalid Mubashshir
us ne jab ḳhusrav-e-parvez ki dhamki di hai
main ne bhi ishq-e-bala-ḳhez ki dhamki di hai
main jo rakhta huun use dekh ke bhi hosh bahal
us ki ankhon ne mai-e-tez ki dhamki di hai
vo jo dil dene se inkar kiya karta hai
main ne ik lams-e-dil-avez ki dhamki di hai
paḌ ga.i lazzat-e-azar ki aadat jo mujhe
tund-ḳhu ne kaf-e-gul-rez ki dhamki di hai
main ne jab jab bhi kiya us se mazalim ka gila
us ne kuchh aur bhi mahmez ki dhamki di hai
Leave a Reply