Faisal Ajmi
us ne dekha jo mujhe alam-e-hairani men
gir paḌa haath se a.ina pareshani men
aa ga.e ho to barabar hi men ḳhema kar lo
main to rahta huun isi be-sar-o-samani men
is qadar ghaur se mat dekh bhanvar ki janib
tu bhi chakra ke na gir jaa.e kahin paani men
kabhi dekha hi nahin is ne pareshan mujh ko
main ki rahta huun sada apni nigahbani men
vo mira dost tha dushman to nahin tha ‘faisal’
main ne har baat bata di use nadani men
Leave a Reply