poet

Usko Ghaflat-Pesha Kah Aate Hain Hum

us ko ghaflat-pesha kah aate hain ham

bhuul jaana yaad dilvate hain ham

zoaf se rahta hai ab paanv pe sar

aap apni thokaren khate hain ham

dil nahin us but ki ulfat chhodta

na-samajh ko laakh samjhate hain ham

hai janaza is liye bhari mira

hasraten dil ki liye jaate hain ham

bar-e-isyan sar pe hai goya bahut

kya uthaen sar jhuke jaate hain ham

More Poems

Leave a Comment