Poet
us ki divar ka jo rauzan hai
ḳhur ka chashm-o-charag raushan hai
lutf-e-mufrat se dost dushman hai
barish-e-besh barq-e-ḳhirman hai
gosha-giri men hirs afzun ho
sub.h shabnam ko fikr-e-raftan hai
ishq men tere taar taar ai shoḳh
jeb ghunche ki gul ka daman hai
shauq men teri tegh ka yaksar
sham.a saan tan tamam gardan hai
bahs karta hai shaiḳh ka.abe se
jo tire dair ka barahman hai
surḳh mehndi hui hai us ki siyah
rang-e-shadi men rang-e-shevan hai
tum ne khole chaman men band-e-qaba
baal parvaz-e-rang-e-gulshan hai
jo zamin-e-suḳhan hai us men ‘vaqar’
ek muddat se mera maskan hai
Leave a Reply