Yasir Khan
us ke hathon men vo tasir-e-masiha.i thi
sukhte peḌ se bhi shaḳh nikal aa.i thi
zindagi bhar vo udasi ke liye kaafi hai
ek tasvir jo hanste hue khinchva.i thi
kal to marne men suhulat bhi bahut thi mujh ko
hijr tha raat thi barsat thi tanha.i thi
mar gaya pyaas se vo shaḳhs bhi ab hairat hai
jis ki dariyaon se barson ki shanasa.i thi
dekh lene ki suhulat to sabhi ko thi magar
chand hi ankhen thiin jin ankhon men bina.i thi
Leave a Reply