Usi Ki Den Hai Gham Mein Gila Nahin Karta

usī kī den hai ġham meñ gila nahīñ kartā

qubūl ho ki na ho ab duā nahīñ kartā

na ho malūl burā vaqt sab pe aatā hai

kisī ke saath zamāna vafā nahīñ kartā

tum aise achchhe ki achchhe nahīñ kisī ke saath

maiñ vo burā ki kisī kā burā nahīñ kartā

mile murād hamārī magar mile bhī kahīñ

ḳhudā kare magar aisā ḳhudā nahīñ kartā

Leave a Comment