usi hasin se chaman men bahar aaj bhi hai
usi nazar se dilon ko qarar aaj bhi hai
jo tha sada se mira gham-gusar aaj bhi hai
juḌa usi se mire dil ka taar aaj bhi hai
guzar gaya mire arman ka karvan lekin
tire firaq ka uḌta ghubar aaj bhi hai
bas ek jalva-e-rangini-e-ada ke liye
ye chashm-e-shauq miri be-qarar aaj bhi hai
visal-e-yar ki ḳhushiyan thi chand lamhon ki
gham-e-habib se dil be-qarar aaj bhi hai
Leave a Reply