Yun Bhi Jine Ke Bahane Nikle

yuuñ bhī jiine ke bahāne nikle

khoj ḳhud apnā lagāne nikle

piiTh par bojh shikam kā le kar

ham tirī yaad jagāne nikle

aañkh lag jaa.e to vahshat kam ho

chāñd kis vaqt na jaane nikle

vahī lamhe jo the lamhoñ se bhī kam

apnī vus.at meñ zamāne nikle

ik tabassum pe Talegī har baat

daaġh dilkash ko dikhāne nikle

qaht ābād-suḳhan meñ ‘shāhīn’

kyuuñ ġhazal apnī ginvāne nikle

Leave a Comment