Nikal Ke Zehn Se Mere Zaban Pe Aaya Kab

Poet

nikal ke zehn se mere zaban pe aaya kab

vo dil ka naghma sahi main ne gungunaya kab

ga.i jo dhuup to ab chandni ki baari hai

ki saath chhoḌega mera ye kaala saaya kab

na jaane ho gaya duniya men tere jaisa kyuun

sabaq hayat ka tu ne mujhe paḌhaya kab

tamam-shahr to ḳhushbu se us ki vaqif hai

koi to mujh ko batata yahan vo aaya kab

main tum se pahle mila tha to us men dhaḌkan thi

batao siine men patthar ka dil lagaya kab

main is ke dhyan men is darja gum hua ik din

pata chala hi nahin kab gaya vo aaya kab

safar ye dhuup ka ab ḳhatm hone vaala hai

chalega saath mire koi saaya saaya kab