Dattatriya Kaifi
ushshaq men naam ho chuka hai
‘kaifi’ badnam ho chuka hai
kya puchhte ho mariz-e-gham ko
kaam us ka tamam ho chuka hai
ashiq ka na imtihan lo vo to
banda-e-be-dam ho chuka hai
kyuun ham se na munh chhupa ke jaa.en
haan aap ka kaam ho chuka hai
kya kaam hamen raha kisi se
jab apna hi kaam ho chuka hai
‘kaifi’ kab tak ye ḳhvab-e-ghaflat
mehr lab-e-bam ho chuka hai
Leave a Reply