Aziz Warsi
use kyuun sahar se nashat ho use kya malal ho shaam se
jise ishq hai tire zikr se jise uns hai tire naam se
vo tumhare taur-o-tariq the ki hazar rang badal liye
ye hamare dil ka shu.ur hai na haTe ham apne maqam se
miri aarzu ke charagh par koi tabsira bhi kare to kya
kabhi jal uTha sar-e-sham se kabhi bujh gaya sar-e-sham se
jo hayat-e-ishq sanvar ga.i to hayat-e-husn nikhar ga.i
kabhi tere husn-e-ḳhiram se kabhi mere soz-e-davam se
jo ‘aziz-varsi’ tha kabhi vo ‘aziz-varsi’ ab nahin
na junun-e-ishq-e-butan hai ab na gharaz hai bada-o-jam se
Leave a Reply