Shahram Sarmadi
ba-rah-e-rast nahin phir bhi rabta sa hai
vo jaise yad-e-mazafat men chhupa sa hai
kabhi talash kiya to vahin mila hai vo
nafas ki amad-o-shud men jahan ḳhala sa hai
ye taare kis liye anhken bichha.e baiThe hain
hamen to jagte rahne ka ariza sa hai
ye ka.enat agar vaisi ho to kya hoga
hamare zehn men ḳhaka jo ik bana sa hai
zamin madar pe raqsan hai sub.h o shaam mudam
kure ke chaar taraf ik muhasara sa hai
Leave a Reply