Poet
use bhi lauT kar aana nahin tha
vo jis ke samne rasta nahin tha
usi ke ḳhvab dekhe ja rahe the
jise ham ne kabhi dekha nahin tha
hamara zahir-o-batin mukammal
kisi ke ishq men Duuba nahin tha
isi ummid par zinda the ab tak
masiha lauT kar aaya nahin tha
saron ki bhiiḌ thi hadd-e-nazar tak
magar un men koi zinda nahin tha
ghane peḌon ki majburi to dekho
kahin bhi duur tak saaya nahin tha
Leave a Reply