Sabeela Inam Siddiqui
use betab ho kar sochti huun
main ik gulfam aksar sochti huun
hui haa.il kuchh aisi bad-gumani
main ik hiire ko patthar sochti huun
vo ik lamha jo biita kal hai mera
main har lamha vo manzar sochti huun
huun jis ki zaat se vabasta kab se
ab us ko apna mehvar sochti huun
miri Doli jahan se saj ke nikli
main babul ka vahi ghar sochti huun
ye hav-hu badan ke ghaav par hai
magar main dil ke nashtar sochti huun
tumhari yaad ke badal jo aa.e
to ban kar bad-e-sar-sar sochti huun
‘sabila’ kya kahun manzil kahan hai
ḳhuda vaqif hai jo dar sochti huun
Leave a Reply