Poet
us shoḳh se kya kijiye iz.har-e-tamanna
ye log koi sunte hain guftar-e-tamanna
ik aarzu sab le ga.e saath apne jahan se
anjam kisu se na hua kar-e-tamanna
ye ḳhubi-e-qismat ki mile bagh-e-jahan se
sab ko gul-e-umid o hamen ḳhar-e-tamanna
hasrat se bhara dil mire pahlu men nahin hai
phirta huun baghal men liye tumar-e-tamanna
pahlu ko mire baagh kiya ishq ne tere
zaḳhmon se mira dil hua gulzar-e-tamanna
murdon se ‘huzur’ ho na sake minnat-e-duna
sar jaa.e par un se na uThe bar-e-tamanna
Leave a Reply