Us Se Bhi Aisi KHata Ho Ye Zaruri to Nahin

us se bhī aisī ḳhatā ho ye zarūrī to nahīñ

vo bhī majbūr-e-vafā ho ye zarūrī to nahīñ

log chehre pe ka.ī chehre chaḌhā lete haiñ

vo bhī khul kar hī milā ho ye zarūrī to nahīñ

ab ke jab us se milo haath dabā kar dekho

ab bhī vo tum se ḳhafā ho ye zarūrī to nahīñ

justujū kis kī hai ye dasht-e-fanā ke is paar

vo koī aur rahā ho ye zarūrī to nahīñ

daar pe khīñche ga.e kitne zamāne meñ ‘shakīl’

har koī iisā rahā ho ye zarūrī to nahīñ

Leave a Comment