us se baḌh kar to koi be-sar-o-saman na mila
dil mila jis ko magar dard-e-ghariban na mila
ik zara zauq-e-tajassus men baḌhaya tha qadam
nik.hat-e-gul ko phir aghosh-e-gulistan na mila
baat itni si hai ai va.iz-e-aflak-nashin
kya milega use yazdan jise insan na mila
un se ab tazkira-e-daulat-e-kaunain hai kyuun
jin gharibon ko tira gosha-e-daman na mila
ḳhubi-e-daulat-o-danish pe nazar hai sab ki
koi us daur men dil-dada-e-insan na mila
Leave a Reply