us ka pichha na kiya ham ne sadaon ki tarah
aa ga.e lauT ke nakam duaon ki tarah
tere daman se lipaTta huun to milta hai sukun
main huun ai dost pareshan havaon ki tarah
dil ka.i saal se marghaT ki tarah suuna hai
ham ka.i saal se raushan hain chitaon ki tarah
dasht-e-iḳhlas men milta hai bahr-e-hal sukun
gham bhi siine se laga lete hain maaon ki tarah
aur phir ham bhi ujalon ko mayassar na hue
pyaar ka shahar tha tarik guphaon ki tarah
mere chehre pe haqiqat ki lakiren hain ‘aqil’
log paḌhte hain mujhe saty kathaon ki tarah
Leave a Reply