Poet
aap ke izn-e-mulaqat se ji Darta hai
apne badle hue halat se ji Darta hai
aap tajdid-e-mohabbat ka na diije paigham
aap ki chashm-e-inayat se ji Darta hai
kal ye aalam tha ki har baat pe hans dete the
ab ye aalam hai ki har baat se ji Darta hai
ham-nashino zara kuchh der mire saath raho
aaj tanha.i ke lamhat se ji Darta hai
dil men jab sozish-e-gham aag laga deti hai
chashm-e-afsurda ki barsat se ji Darta hai
chahta huun ki ye dil shahr-e-nigaran ho magar
itni rangini-e-jazbat se ji Darta hai
zaḳhm kuchh aur sulag jaate hain dal ke ‘shahid’
ab to is taron bhari raat se ji Darta hai
Leave a Reply