jab se zindagi hua dil gardish-e-taqdir ka
rose badh jaata hai ik halqa miri zanjir ka
mere hisse men kahan thiin ujlaton ki manzilen
mere qadmon ko sada rasta mila takhir se
kis liye barbadiyon ka dil ko hai itna malal
aur kya andaza ho khamyaza-e-taamir ka
khun-e-dil jin ki gavahi men hua nazr-e-vafa
rang to vo ud gae ab kya karun tasvir ka
main ne samjha teri chahat ko faqat inamat-e-zist
mujh ko andaza na tha is jurm is taazir ka
ek lab tak hi na pahunchi jo dua thi mustajab
kis qadar charcha hua hai ah-e-be-tasir ka
lafz ki hurmat muqaddam hai dil-o-jan se mujhe
sach taaruf hai mire har sher har tahrir ka
Leave a Reply