Pritpal Singh Betab
us ka kamal hai ki ḳhizan par bahar hai
hadd-e-nazar talak jo tilismi hisar hai
aage bhi sub.h tak nahin raushan koi suragh
pichhe bhi duur duur ye tarik ghaar hai
jhonke kahin se aate hain taaza havaon ke
kunj-e-qafas kahin koi rah-e-farar hai
in ablon ko paanv se nisbat hai da.imi
aage yahi safar hai yahi ḳharzar hai
tha ik shajar buland jo andhi men gir gaya
basti tamam us ke liye sogvar hai
‘betab’ tum faqir kahan aa ga.e miyan
is shahr men ik ek bashar shahr-e-yar hai
Leave a Reply