rafia-shabnam-abidi

Abr Chhaya Tha Fazaon Mein Teri Baaton Ka

abr chhaya tha fazaon men tiri baton ka

kitna dilkash tha vo manzar bhari barsaton ka

bujhti shamon ke taaffun se bachane tujh ko

main ne anchal men sameta hai dhuan raton ka

koi shahnai se kah do zara khamosh rahe

shor achchha nahin lagta mujhe baraton ka

laakh darvaze hon chup aur dariche khamosh

chudiyan raaz ugalti hain mulaqaton ka

dhuup bhi tez hai ‘shabnam’ ka bharosa bhi nahin

vaqt bhi baaqi nahin ab to munajaton ka

More Poems

Leave a Comment