Un Se Kya Puchhte Ho Log to Kam Jaante Hain

un se kyā pūchhte ho log to kam jānte haiñ

apne hālāt ko achchhī tarah ham jānte haiñ

ham ne jaanā hai tujhe apnī mohabbat kā ḳhudā

log nādān haiñ patthar kā sanam jānte haiñ

tū ne muñh pher liyā raah meñ ham se jab kī

ham tirī aañkh kā jhuknā bhī sitam jānte haiñ

dil meñ jo sho.ale bhaḌakte haiñ kahāñ dekhe haiñ

aap to bas mirī āñkhoñ ko hī nam jānte haiñ

DhūñDh pā.īñ nahīñ ḳhushiyāñ mirī chaukhaT ab tak

ek muddat se pata merā ye ġham jānte haiñ

Leave a Comment