Un Ko Haal-E-Dil-E-Pur-Soz Suna Kar Utthe

un ko hal-e-dil-e-pur-soz suna kar utthe

aur do-char ke ghar aag laga kar utthe

tum ne pahlu men mire baith ke aafat Dhaai

aur uthe bhi to ik hashr utha kar utthe

vada-e-vasl se hai naash pe aane ki ummid

muzhda-e-qatl mira mujh ko suna kar utthe

munh chhupane men to hai sharm o haya ka parda

haan magar dil bhi nigah tha ki chura kar utthe

aaj aae the ghadi bhar ko ‘zahir’-e-nakam

aap bhi roe hamen saath rula kar utthe

Leave a Comment