ham kahan kunj-nashinon men rahe
asmanon men zaminon men rahe
rahen be-vaj.h munavvar na huiin
raat ḳhurshid jabinon men rahe
tha falak-gir talatum shab ka
ham sitaron ke safinon men rahe
jism se saanp nikal aate hain
ek do pal hi dafinon men rahe
tum ko israr hai ḳhali ye makan
ham shab o roz makinon men rahe
sabz daa.im shajar-e-harf uge
umr bhar shura zaminon men rahe
Leave a Reply