Mahesh Chandra Naqsh
un ke gesu sanvarte jaate hain
hadse hain guzarte jaate hain
vaqt sunta hai jin ki avazen
haa.e vo log marte jaate hain
Dubne vaale mauj-e-tufan se
jaane kya baat karte jaate hain
yuun guzarte hain hijr ke lamhe
jaise vo baat karte jaate hain
hosh men aa rahe hain divane
kis ke jalve bikharte jaate hain
kya ḳhabar aaj kis ki yadon ke
‘naqsh’ dil par ubharte jaate hain
Leave a Reply