umr ki avvalin azanon men
chain tha dil ke kar-ḳhanon men
lahlahate the khet siine ke
bansuri baj rahi thi kanon men
bansuri jis ki taan milti thi
ḳhvab ke be-numu jahanon men
ḳhvab jin ke nishan milna the
aane vaale ka.i zamanon men
muskurahaT charagh aisi thi
raushni khil uThi makanon men
raushni jis ka dil dhaḌakta tha
duur sahra ke sarbanon men
vo kisi baagh jaisi hairani
ab agar hai to dastanon men
Leave a Reply